وطنية
فى ربوع سودانا نرحل
ونزرع الافراح فى جيلا
اصلو هداه الزمن
بالقساوة وبالمحن
وينبت الافكار نبيلة
شايلة قانون الكفاح
راية عالية فى سماء حرية دانية
لا يضاحا بى ثمن
000
كل ابناء عازة لمو
كل قواهم وقالو
يلا يا شمس الحقيقة
ضوى ليلات المحن
خلى ليل الحزن يرحل
يمشى من ارض الوطن
000
ويا شروق اوطانا ارفع
فى وجوه ظلام سيوفك
ويا غروب الشمس اكتب
فى سطور الليل حروفك
كلمة واحدة هو القضية
000
باكر السودان بيكبر
وبى فكر ابنائه يزهر
ومن سماه الفرحة تمطر
ويسكت الديك البأذن
والديوك الكانو لامين
يأكلوا حق المساكين
يعودوا للحب والبزر
ينقرشو الارض بالحفر
وحبة بى ساعة زمن
000
كل انحاء المدائن
ناس تعاين للحقيقة
لا ضريبة عليها تدفع
والحكم قانونو باين
حرية يا ارض التباين
والثقافات والعراقة
لا بنقبل بالمهانة
لا قوانين جبه ظالمة
نحن اسلامنا العرفنا
من كتاب الدين حفظنا
لا شريعة بلا شعب
لا هداية بلا سبب
000
نحن آمالنا وطموحنا
نبنى سودانا وارضنا
ونبقى انموزج لدولة
حرة فيها الفكر شاسع
لا عساكر لا ترابى
لا طه لا سبتر لا نافع
000
الحقيقة المرة بانت
الصناديق كان مزيف
نخبة من اصاحب دقون
استغلو الجيش وحكموا
وابعدوهم فى النهاية
بالفكرة او بالهامشية
وكل اصحاب العقول
كانو محكومين عليهم
رمياً بفاه البندقية
واللسع فى ريعان شبابو
كان بموت بالجوع ضحية
هما ديل حكام بلدنا
كل سياساتهم دنيئة
000
فى بداية شهر اعظم
قلنا يصبح حالنا احسن
يوم خلافهم فى المسيرة
منشية قالو ووطنية
الله غالب لو مسرحية
من متين اصبحت صادق
انت يا شيخ الذئاب
تمشى بى اسم الله تحلف
انو قتل الناس جهاد
000
البصدقو ما هم نحن
شعب سودانى واصيل
بى بنات افكارنا نرحل
ويلا يا تاريخنا سجل
يوم عرس شهداء رجب
اى اية من الكتاب قالت
فى البيبور زواج
000
شميتو ازهار الجنوب
قلتو للناس مسك ختام
وشفتو فيفيان بى جمالها
قلتو حور العين سلام
ياجماعة الغش حرام
000
ياوطن حقك علينا
نحن جايين ليك حسى
وبى تياب الحق هدية
وكل زول كان ليه نية
من جحر احزانويطلع
وقلوبنا ليك نيرانو حية
ناجى احمد الطيب ابراهيم