تمشى وتجى تلقى الوضع زى ما مشيت
ارجع امش سافر بعيد اوعاك تعود قبال تموت
فاطمة محتاجك اوعاك تعود رسل دولاراتك بالبنوك
وافتكر انو الجنود ليهم نصيب فى كل عود
تأمين على البيت الجنوب
اوعاك تعود تقول انو ليك مستقبلك
الدولارات استبسلت اتمددت صبحت عمارات
فاطمة بتناضل تعيش وياسر خلاص قتلو الحشيش
فكر كثير فى كل زول من اسرتك
يمكن تكون انت الوحيد فى اسرتك
ويمكن تلاقى اليقنعك يديك حديث فى ملبسك
يرويك احاديث يدهشك يبقيك ملاك فى دنيتك
يا شيخ خلاص كبر وهلل ما دام بقيت الرئيس المنتخب لى امتك
تركب تقوم تفرح تقول كملت كل مهمتك
تمشى الغرب تلقى الاسود راكبين سرج منتظرين متين بس جيتك
ناجى احمد الطيب
القاهرة