حياتنا الصعبة حياة الكل

ملاحنا ملح موية وبصل

الموية تقيف الكهربة تصل

المية تجى الكهربة تل

غنية جميلة رددها الكل

الحاجة بتول تقوم الصباح

تشد الموية على الكانون

تقول تسوك مافيش معجون

 تصحى الحاج  قروش السكر 

 حاجة بتول نوم وارتاح

الدنيا صباح مافيش نحناح

معليش يالحاج ظروفنا صعبة شوية

والناس فى الفطور تاكل شية

 ونحن بجاى مقصرة لينا حتى الطعمية

وحيات الشيخ ابو طاقية

ناجى مايدخل الالزامية

كرهتونا يالجبهجية

ماتراعوا حقوقنا الانسانية

عدلوا لينا فى الماهية

تقولوا السودان اسلامية

حاج عبدالله يقيف فى الشارع ينادى النازل والطالع

اولادى صغار ما لاقين

عطش وجوع ما لابسين

والدولة تجدع ملايين

وين ارض الشهداء والطيبين

وناس سو و ميمى طالعين نازلين

وين ورحلات ماليزيا والصين

 حاج عبدالله يرجع يزرع

يشوفوا ابو شنطة بيسرع

يا حاج كم انتاجك فى هذا العام من الفول من العيش من السمسم

 عاوز اعمل ليك كشف تجميع وعاوز اخصم

يا الله تعين الحاج عبدالله

خليه يفهم انو بيملك عملة صعبة

 ناجى يمشى الجهاد

يجى يتنصب ينسيه اللفات

ويلقى حسابو يوم الحساب

 

بقلم ناجي سعيد

<span class="directionLTR"><a href="mailto: [email protected] "> [email protected] </a></span>