البريدا يا ناس نيالا رسالـة حـب جاياك مـن زولا سـافر بعـيد كيف حالـك وأحـوالـك عـفـوا نســيـت دا المفـروض أنـا باسـم الله إبتـديـت و تحـيـة الاسـلام ليك كـمـان أهــديـت لكـن عـفـوا معلـيش ده شـوقي الشـديد خلاني أعيد كيف حالك أقول مـن جديـد * * * * لكـن سـؤالـي الوحيد عـارف ردك لـيهـو محبة وشـوق شـديد وألــم تضاريـهـو وكلام لـذيذ بمحـنة عايزة تـقـوليهو * * * * عارفــك زعـلانـة لانـي غـيـبـت منك زمـن طـويـل وفـاكـرانـي ما سائـل عـنك وقـايـلـة إنـو الـدنيا نـسّتـني هـمـك * * * * لا ولله إنتي الغـالـية وفي بالي ديـمة كـيـف أنـسى أيام الـحـب الـحـمـيـمة * * * * الايام الـلـيـكي فــيها سـهـري وسهادي الايام الكانت بينا على ضـفـاف الـوادي تتذكري لما كنت أنام على حضـنـك الهادي تتذكري لما القـطر شـالني وإنتِ بتنادي * * * * يلعـن القـطـر وسكةالقـطر وسيـدالـقـطر لـكـن ده الـقـدر بـس كان سبـبو القـطـر الغريبة أنا عـارف إنو ساكون فـي خطـر لما شالني القـطر وفـرق بـيـننا بـطـول السفر لاكـن لا أنـا راجع مـهـما طـال الـسفـر وهنـاك سالوني عنـك فـي الـقـرى والحضر أصحابـي وأصدقائي وكل من التقيته من بـشـر لأني كنت في هيام وحب تحت ضوء القمر أبحث عن الزمن الفيهو يرجعني القطر * * * * ديل حتى فـي حـبي وهـيامي ليكي مشاركين وطـول الـلـيـل مـعاي كمان سـهـرانـيـن حتى سبب إهتمامي بـيـكي هـم ما عارفـين بــس عـايــزيـن يـعـرفـوا إنـتـي مـيـن * * * * قالو لي بـتحـبها ياسـيـدالعـز والاصالة قـلت نعـم شرف الحـب أنالو بدون لالا وقلت آه لو شفـتـو جمالا وطـيـبـة خـصالا لما تشوفها واقـفة شامخة في عزها وجلالا تقول الكاتلاني بابتسامتا وخضرتا ورمالا دي الـبـريـدا يــــا نــاس نـــيــالا * * * * أرجـع وأقـول بـس ليه شايلنـي يا قـطـر بعيد عـنـك وأنــا فــي لـحـظـــة ضجــر فــي دجــىالـظـلـمات وفــي لـجة البحر ومن طول الـلـيالـي و مـن هـيام السهـر أقـــاســي ألــم فـراقـك باسـى وقـهـر واقــول بــس لـيـه شايـلـنـي يـا قـطـر * * * * دا أنـا هـناك عـايش معاها بلا مـلل الـحـيـاة حـلــوة والـناس ذي العـســل نـاس فــي الـمـدرسـة ونـاس فــي العمل ويوم الجـمعـة كل الــنــاس فــي رحــل فــي كـندوة و بـليل وبابة في شرق الجبل عــشـانـك إنـتي يـا غـــرب الــجــبــل أضـحـي الـعـمـر كله عـشـان أرجع بـطـل و إنـــت كــمــان لازم تــكـون بــطــل بطـل سلاحـه العـلـم وحـسـن الـعـمــل نبني ونعمر بلدنا بلا تخاذل أو كسل كلمات : عبدالعظيم عبدالله