نداء الحركة
عجّل أخوى إتلم
نطرد هواة الدم
العسكر الأبكم
كابوس علينا جثم
حلف الطلاق أقسم
يشفع على المجرم
***
شِد الوثاق والحيل وأربط عجاج الخيل
شن قلنا نحنا قبيل
يوم كنا فوق الميل
***
أوعك تقيف تنجم
أو تخشى تستســلم
فى همّة إتقـــــــــــدم
حقك يجيك حرّم
***
جِنياتنا جابوا الراح جابوا
المعزة مراح
أنا قلبى ليهم إرتاح خلوا الضـلمّة صباح
***
والثورة ما بتقيف لو حتى
جاها تضعيف
الثورة ظلها وريف تسع لكل
شريف
***
شايل هموم وطنو
العربّوا ورطنو
لا أكلو لاشربوا
لا ناموا لاسكنوا
***
يا فاطمة ما بيدوم
حكم الشقى المشئوم
يوم نوصل الخرطوم حقك
يجيك بالكوم
ونغنى للأطفــــــال جرّارى
والمردوم
***
وكل الجروح بتروح نبنى المحنة صروح
من طينة لى أم دافوك لا كَلما لا أب شوك
نرجع نغنى نقول دارفورنا عزّك فوق
مصطفى ابوالجاز / قطر
[email protected]