كدكادى
جينا من اقصى الاقاصى وجينا
فى جوانا ريف يصحى فيك نبط الملاحم سيلا هادر مابقيف
المدائن ودرتنا والجرح ازداد نزيف
بنلقى فيك راحةفكيت العقال
لفوه فكيت الشطر
تبقى قايد ماتبيع
تتهنى لاخر العمر
كدكادى والعينين حمر
كدكادى جيم وفى ايدو جيم
وفى الثانية اسرار الكتاب والسر فهيم
تبروقة الشيخ الحكيم
البخصة فيها الروب حمض
كولاية للزول الحكيم
ابريق ابوى والملفحه
سيف السنين وداى سليم
متلاب ينطط فى الودى
درويش يردد الله حى
اطفالى هوى دامرقه نيى
كدكادى جيم وفى ايدو جيم
كدكادى والعينين حمر
قالوا للناس ديل نهب
بالله شوف الفلسفة
حكر الوظائف من سنين
صبوها صب المويا والخير
الكثير والتنمية
وازيدك الباقى العجب
هو منو النهب
شمس الله فى السماء والعصر
مجموعه بس بنفكوا جيم
فى راسك
الخاوى الغشيم
كدكادى والعينين حمر خلين حمر
نفوسنا وسر غنانا وظل وريف
النحاس لودودة مره اصلى ماظنيت اقيف
نسرج الخيل العنيد ونسرح الباقى الوليف
كدكادى والعينين حمر
مطعون سنين تسعه فوق الاربعين
ضنبك دوام مجرور شمال
تزرع يدسو فى زرعك نمل
وتحصد الحصى والرمال
ودربك الفاقد وصال
اليلا
بقلم/ شرف الدين محمود محمد صالح