لوحه من بلدى

صابح اخوك فرحان ارسم فى قلبو مناره
ماتنسى ارحامك اسقى الوصال ازهاره
خلى الجفا بوصيك للجار تفد حاله
اصبحتو عافيه مناى الحال تسر احواله
من جوى قلبى انا بفخر بقولى رساله
دارفور سماح ومحبه والطيبه زاتا نياله
ام الكرم والجود معدوم وجود امثاله
يادرة السودان معرفت نيل قباله
بكل عز ياناس بفخر سكونى نياله
دومايه روماليه كنلج بهرنى جماله
ردومنا جبل مره خيراتو سيل منهاله
كندوه زى الجنه فيها الهموم رحاله
هاك لوحه من بلدى زى بسمه زى اطفاله
حلاة فضيله فى تورها راكبه ومعاه عياله
حوايه سايقه غنمها تضحك يضوى هلاله
واحمد وراها يغنى عز العرب ترحاله
دام الفرح والحب مولاي يصونا نياله
عريج وسنجك كاتم لحظات رقيص بقاره
ام دقينه دايره صفقه جكتك نغم نقاره
جفال وزاح جرارى كشوك تراثى اصاله
بكل عز ياناس بفخر بشيله رسال