ﻳﻮﻡ ﻗﻠﺖ ﺳﻮﺩﺍﻧﻲ

ﻳﻮﻡ ﻗﻠﺖ ﺳﻮﺩﺍﻧﻲ
ﻋﺎﻳﺰﻟﻲ ﺟﻨﺴﻴﺔ ﻗﺎﻝ ..
ﻟـــﻲ ﻗﺒﻴﻠـــﺘﻚ ﺍﻳﻪ؟
ﻭﺍﻧﺎ ﻗﻠﺖ ﻧﺎﺳﻴﻬﺎ ..
ﻣﻤﻜﻦ ﺗﻌﺪﻳﻬﺎ ؟
ﻗﺎﻝ ﻟﻴﺎ ﻣﺎ ﻣﻤﻜﻦ
ﻋﻠﺸﺎﻥ ﺿﺮﻭﺭﻳﺔ ..
ﻭﺍﻧﺎ ﻗﻠﺖ ﻃﻴﺐ ﺷﻮﻑ
ﺍﻧﺎ ﺍﻣﻲ ﺟﻌﻠﻴﻪ ..
ﻓﻲ ﺷﻜﻞ ﺷﺎﻳﻘﻴﺔ ..
ﻭﺍﺑﻮﻱ ﻓﻮﺭﺍﻭﻱ
ﻭﻣﻼﻣﺤﻮ ﺯﻧﺠﻴﺔ ..
ﻭﺑﺼﻠﻲ ﺑﺎﻟﻌﺮﺑﻲ
ﻭﺩﻋﻮﺍﺗﻲ ﻧﻮﺑﻴﺔ ..
ﺍﻟﺤﺎﻧﻲ ﺑﺎﻟﻄﻤﺒﻮﺭ
ﻭﺍﺷﻌﺎﺭﻱ ﺯﺍﻧﺪﻳﺔ ..
ﻭﺳﺎﻛﻦ ﻗﺼﺎﺩ ﺍﻟﺸﻮﻕ
ﻓﻲ ﻋﻴﻮﻥ ﺭﺯﻳﻘﻴﺔ ..
ﻧﺒﻀﺎﺗﻲ ﻧﻘﺎﺭﺓ
ﺍﺻﻼ ﻣﺴﻴﺮﻳﺔ ..
ﺍﺣﻼﻣﻲ ﻣﺤﺘﺎﺭﺓ
ﻣﺮﺍﺕ ﺑﺪﻳﺮﻳﺔ ..
ﻣﺮﺍﺕ ﺑﺘﺴﺮﺡ ﺳﺎﺍﺍﻱ
ﺗﻘﻠﺐ ﺑﺠﺎﻭﻳﺔ ..
ﻛﺘﺮﺕ ﺍﺳﺎﻣﻴﻬﻢ
ﺍﺟﻨﺎﺱ ﺧﺮﺍﻓﻴﺔ ..
ﺭﺍﺣﺖ ﻋﻠﻲ ﻣﻌﻠﻴﺶ
ﺍﻟﺮﺍﻳﺤﺔ ﻣﻨﺴﻴﺔ ..
ﻗﺎﻝ ﻟﻲ ﺍﺧﺮ ﺍﻟﻘﻮﻝ
ﺍﻛﺘﺐ ﻗﺒﻴﻠﺘﻚ ﺍﻳﻪ ؟
ﻭﺍﻧﺎ ﻗﻠﺖ ﺍﻛﺘﺐ ﺯﻭﻝ
ﻭﻗﺒﻴﻠﺘﻲ ﺣﺮﻳــﻪ

هذه المقالة كُتبت في التصنيف شعر. أضف الرابط الدائم إلى المفضلة.

التعليقات مغلقة.