رائعة محجوب شريف (أيه الحصل؟)…………….!!

ايه الحصل ؟!
ليه الجدل ؟!
ايه يعنى
لو جاكم تراب !!
او حر شديد !!
او حتى
امطار من زحل !!
القصة ما جو البلد
القصة فى حال البلد
الفقر والجوع والدجل
الظلم والجهل العجيب
القهر والصمت المريب
والقصة ..
فى قانون سخيف
ﻻ يحكم اﻻ ..
على الضعيف
والقصة ..
اخطاء الطبيب
القصة..
جد ما ليها حل
والحكمة فى
الصبر الغريب
فى شعب
عايش دون امل
وايه الحصل ؟!
ليه الجدل ؟!
القصة جد
ما ليها حل
ومصابنا
ما الجو والتراب
مصابنا
فى البلد السراب
وعزانا فى لمة اهل
ﻛﻞ ﻋﺎﻡ ﺯﻱ ﺍﻟﻠﻲ ﻓﺎﺕ
ﻧﻔﺲ ﺍﻟﺘﻔﺎﺻﻴﻞ ﻭﺍﻟﺤﻠﻢ ..
ﻧﻔﺲ ﺍﻻﻣﺎﻧﻲ ﺍﻟﻄﻴﺒﺎﺕ ..
ﺍﻟﺒﻨﺎﻳﺎﺕ..
ﺍﻟﻨﻔﺎﻳﺎﺕ ..
ﺍﻻﺷﺎﺭﺍﺕ ..
ﺍﻟﻐﻨﻴﻮﺍﺕ
ﺍﻟﻜﺘﺎﺑﺎﺕ ..
ﺍﻟﺸﻌﺎﺭﺍﺕ ..
ﺍﻟﻌﺒﺎﺭﺍﺕ ..
ﺍﻟﺤﻜﻮﻣﺎﺕ ..
ﺍﻟﻘﻴﺎﺩﺍﺕ ..
ﺍﻟﺤﺮﻭﺑﺎﺕ ..
ﺍﺟﺘﻤﺎﻋﺎﺕ ..
ﺍﺗﻔﺎﻗﺎﺕ ..
ﺍﺧﺘﻼﻓﺎﺕ.
ﺍﻧﺘﺨﺎﺑﺎﺕ ..
ﺑﺮﻟﻤﺎﻧﺎﺕ ..
ﻭﺍﻏﺘﻴﺎﻻﺕ ..
ﺍﻟﻬﻨﺎﻳﺎﺕ ..
ﻭﺑﻠﺪﻧﺎ ﺍﻛﻌﺐ ﻣﻦ ﺍﻣﺲ ..
ﺍﻟﺴﻴﺪ ﺍﻟﺼﺎﺩﻕ ﻳﺒﻴﻊ ..
ﻭﺍﻟﻤﻴﺮﻏﻨﻲ ﺍﻟﻤﺄﻣﻮﺭ ﻳﻄﻴﻊ ..
ﻭﻳﺎﺍﺍ ﺷﻌﺒﻨﺎ ﺍﻟﻤﺴﻜﻴﻦ ﺗﻀﻴﻊ..
ﻭﺍﻟﺮﺍﺩﻱ ﻟﻼﺧﺒﺎﺭ ﻳﺬﻳﻊ..
ﻧﻔﺲ ﺍﻟﻤﻼﻣﺢ ﻭﺍﻟﺼﻮﺭ ..
ﻧﻔﺲ ﺍﻟﺘﻤﺎﺭﻳﻦ ﻭﺍﻟﻜﻮﺭ ..
ﻧﻔﺲ ﺍﻟﻠﻌﺐ ﻧﻔﺲ ﺍﻟﻜﻔﺮ ..
ﻭﻧﺴﺠﻞ ﺍﻟﻼﻋﺒﻴﻦ ﻛﺘﺎﺍﺍﺍﺭ ..
ﻭﺗﺠﻴﺐ ﺟﺮﺍﻳﺪﻧﺎ ﺍﻟﺸﻤﺎﺭ ..
ﺗﻌﻠﻦ ﻭﺻﻮﻝ ﻻﻋﺐ ﺧﻄﻴﺮ ..
ﻳﻠﻌﺐ ﺳﻨﺔ ..ﺷﻦ ﺍﻟﻠﻌﺐ ..
ﻭﻓﺮﻳﻘﻨﺎ ﻗﺒﻞ ﻳﺮﻙ ﻳﻄﻴﺮ ….
ﻭﻟﺴﻪ ﺍﻟﺼﺮﺍﻉ ﻣﺎﺯﺍﻝ ﻃﻮﻳﻞ …
ﺟﺮﺡ ﺍﻟﻮﻃﻦ ﻣﺎ ﺯﺍﻝ ﻛﺒﻴﺮ ..
ﻭﻧﺤﻦ ﺑﻨﺮﺍﻗﺺ ﻓﻲ ﺍﻟﺒﺸﻴﺮ ..
ﻭﻛﻞ ﻋﺎﻡ ﻭﺍﻟﻨﺎﺱ ﺑﺨﻴﺮ ..
ﻣﺎﺕ ﺟﻮﻥ ﻗﺮﻧﻖ ﻳﻈﻬﺮ ﺧﻠﻴﻞ ..
ﻳﺮﺣﻞ ﺧﻠﻴﻞ .. ﺣﻴﺒﻴﻦ ﺑﺪﻳﻞ …
ﻭﻧﺒﻴﻊ ﺿﻤﺎﻳﺮﻧﺎ ﻓﻲ ﻣﺰﺍﺩ
ﻭﻧﻜﻮﺱ ﻋﻦ ﺍﻟﻮﻃﻨﻴﺔ ﺯﺍﺩ ..
ﻭﻃﺮﻳﻘﻨﺎ ﺃﻃﻮﻝ ﻣﻦ ﻃﻮﻳﻞ ..
ﺟﺎﻣﻌﺎﺕ ﺗﺨﺮﺝ ﺑﺄﻻﻟﻮﻑ ..
ﻭﺷﺒﺎﺑﻨﺎ ﻓﻲ ﺍﻟﻄﺮﻗﺎﺕ ﻳﻄﻮﻑ ..
ﺗﻌﺒﺎﻥ ﻳﻔﺘﺶ ﻋﻦ ﻋﻤﻞ ..
ﺑﺤﻠﻢ ﻳﻐﻴﺮ ﻟﻠﻈﺮﻭﻑ ..
ﻭﺍﻟﻤﺎﺳﻤﻊ ﺑﺎﻛﺮ ﺑﻴﺸﻮﻑ ..
ﻭﺍﻟﻌﻤﺮﻭ ﻣﺎﺿﺎﻕ ﺍﻟﻠﺤﻢ ..
ﻛﻴﻔﻦ ﻳﻔﻜﺮ ﻓﻲ ﺍﻟﺨﺮﻭﻑ .. ؟

ﻏﻨﺎﻧﺎ ﺭﺍﺟﻊ ﻟﻲ ﻭﺭﺍﺀ ..
ﺣﻔﻼﺗﻨﺎ ﻛﻠﻬﺎ ﻭﺭﺍﺀ ﻭﺭﺍﺀ ..
ﻭﻗﻴﻤﻨﺎ ﺭﺍﺟﻌﺎﺕ ﻟﻮﺭﺍﺀ.
ﺟﺎﺭﻱ ﺍﻟﺸﺤﻦ ..
ﻭﺑﻨﺎﺗﻨﺎ ﺟﺎﺭﻳﺎﺕ ﻭﺭﺍﺀ ﻭﺭﺍﺀ ..
ﻭﻃﺎﻋﻨﻲ ﺩﺍﻳﻤﺎ ﺑﻲ ﻭﺭﺍﺀ …
ﻭﻗﺎﺻﺪ ﻣﺤﺒﺘﻲ ﺗﺨﺴﺮﻫﺎ .
ﻭﺇﻧﺸﺎﺀ ﺍﻟﻠﻪ ﻳﺎﺥ ﺭﺍﺟﻞ ﻣﺮﺓ..
ﻭﺑﻨﺎﺗﻨﺎ ﻛﺎﻳﺴﺎﺕ ﺍﻟﻌﺮﺱ ..
ﻛﺎﻥ ﺑﺎﻟﻜﺮﻳﻤﺎﺕ ﻭﺍﻟﺤﺒﻮﺏ ..
ﻭﺣﺮﺍﻣﻲ ﺳﺮﺍﻕ ﺍﻟﻘﻠﻮﺏ ..
ﻭﺭﻭﻧﻲ ﻛﻴﻔﻦ ﺑﺲ ﻳﺘﻮﺏ ..
ﺍﺫﺍ ﺣﺎﻝ ﺍﻟﺒﻠﺪ ﻣﺎﻳﻞ ..
ﻭﻛﺎﻥ ﻛﻞ ﺍﻟﺒﻠﺪ ﻣﻨﻬﻮﺏ ..
ﺑﻨﻐﺶ ﻓﻲ ﻧﻔﺴﻨﺎ ﻧﻔﺘﺨﺮ .. ﻭﻧﻜﺎﻭﻱ ﻓﻲ
ﺑﺎﻗﻲ ﺍﻟﺸﻌﻮﺏ ..
ﻭﻟﺴﻪ ﺑﻨﻜﺘﺮ ﻓﻲ ﺍﻟﻜﻼﻡ ..
ﻛﻠﻢ ﻗﺮﺍﻳﺒﻚ ﺑﻘﺮﺵ ..
ﻭﺍﺻﻞ ﺣﺒﺎﻳﺒﻚ ﻭﺍﻧﺘﻌﺶ ..
ﻋﺎﻟﻢ ﺟﻤﻴﻞ ..
ﻛﻞ ﻋﺎﻡ ﻭﺍﻧﺘﻢ ﺑﺨﻴﺮ ..
ﺭﻳﺢ ﺑﺎﻟﻚ ..
ﻭﺍﺭﺣﻢ ﺣﺎﻟﻚ ..
ﻭﺑﻠﺪﻧﺎ ﻛﺎﻥ ﺳﻮﺩﺍﻧﻲ ﻭﻥ ( 1) ..
ﻭﺍﻟﻠﻴﻠﺔ ﺍﺻﺒﺢ ﺗﻮ( 2 ) ﻭﻃﻦ …
ﻭﻣﻤﻜﻦ ﻳﻜﻮﻥ ﺍﻛﺘﺮ ﻣﻤﺎ ﺗﺘﻮﻗﻊ ..
ﻓﻘﻂ ﺍﺿﻐﻂ ﻧﺠﻤﺔ .. ﺣﺮﺏ .. ﻣﺮﺑﻊ ..

ﻣﻌﻚ ﻓﻲ ﻛﻞ ﻣﻜﺎﻥ …
ﺁﻵﻡ …ﻋﻠﻰ ﻣﺮ ﺍﻟﺰﻣﺎﻥ ..
ﻭﻳﻦ ﺍﻻﻫﻞ ..؟
ﻧﺎﺳﻨﺎ ﺍﻟﺤﻨﺎﻥ ..!
ﺍﺻﺒﺤﺖ ﻛﻴﻒ ؟ ﻳﺎﺟﺎﺭﻱ ﻛﻴﻒ ..؟
ﻭﺍﻻﻡ ﺗﻨﺎﺩﻱ ﻋﻠﻰ ﺍﻟﻮﻟﺪ ﻓﻮﻕ ﻟﻠﺼﺮﻳﻒ …!
ﻫﺎﻙ ﻳﺎﻭﻟﺪ.. ﻭﺩﻱ ﺍﻟﺪﻗﻴﻖ ﺟﻴﺐ ﻟﻲ ﻣﻦ
ﺍﻣﻚ ﺭﻏﻴﻒ ..
ﺑﻼﺩﻱ ﺍﻧﺎ ﺑﻼﺩ ﻧﺎﺳﺎ ﻣﻮﺍﺭﻳﺜﻬﻢ ﻛﺘﺎﺏ ﺍﻟﻠﻪ ..
ﺑﻨﻐﺶ ﻓﻲ ﻧﻔﺴﻨﺎ ﻧﻔﺘﺨﺮ .. ﻭﻧﻜﺎﻭﻱ ﻓﻲ
ﺑﺎﻗﻲ ﺍﻟﺸﻌﻮﺏ

هذه المقالة كُتبت في التصنيف شعر. أضف الرابط الدائم إلى المفضلة.

التعليقات مغلقة.