اغاني البنات في زمن الفساد

عريس ان شاءالله كان سارق
بيتحلل مافارق
يابا عليك الله بارك
دا مقدم في الجمارك

حبيب قلبي ياغالي
في مكتب الوالي
نختلس الحكومة
وماليزيا طوالي

الليله موظف صغير
بكره في الصين سفير
شوفي كرتي ياغاليه
مرتو سفيرة ايطاليا

السبب الحماني النوم
جداد والي الخرطوم
عندو سارة ومازن
وعندو مزارع دواجن
ماف حاجه بي اسمو
لي نسيبو كلو بقسمو

الوالي الفات تمرجي
والحالي فني كهربجي
بدل تستعجلي ارجي
يجيكي كوز مؤتمرجي

هذه المقالة كُتبت في التصنيف أقلام حرة, شعر. أضف الرابط الدائم إلى المفضلة.

التعليقات مغلقة.