العيد الفرحة المفقودة

بقلم.. الباشمهندس الرحيمة اسماعيل مسيبيل
جانا العيد والفرح بعيد والحزن مستوطن في اعماق طفل شايل كورية يبحث عن لقمة تسد الرمق
جانا العيد وفي صباح العيد تبدل المشهد
كان المشهد زمان تقوم اﻻم تهب النار تخت الحلة فوق اللداية وتقطع الزﻻبية وتصحي الجنا قوم يافﻻن احلب غنمايتك لي شراب الشاي
كان زمان يجو الجيران نتلم فوق الضراء نشربو الشاي نشيل المصﻻية ويلبس ابوي الجﻻبية المرقعة جﻻبية الدرويش وندق الطار ونوبة تعلن قرب موعد صﻻة العيد ينادي ابوي يا حاج فﻻن يﻻكا ونسوق الزفة للميدان يشوفونا الناس هناك جائين زغاريد وشيوخ يهرولو يشيلو النوبة والطارات يعلون وصول شيخ فﻻن
نصلي العيد
جانا العيد وكان زمان بعد ما نصلي نلف الحلة بالنوبة ونزور اﻻهل في العﻻن بيت فكي حماد وشيخ الصادق والقبة نلف طرقات حلتنا شارع شارع والنوبة تعلن لي ناس كل حي انو السﻻم عليكم كل عام وانتم بخير وكل سنة تامين وﻻمين نﻻقي اخواتنا شايﻻت الصحانة يحلفو الشيخ كان يقيف عشان الناس تشيل العيدية والعمات هناك بالظار وشيخ فﻻن شايلو الدين يزبد تقول شارب ليهو صابون تحس بالحلة فرحانة والعجب الصغار جارين ينطو الحبل ويدخلو البيوت بدون استيذان يقولو سﻻم
جانا العيد وكان زمان الفرحة ما فرحة خروف الفرحة كانت فرحة العيد زاااااتو عطلة المدرسة وغسيل الهدوم في الخور ونظافة البيوت والشوارع
جانا العيد وزمان الهدوم ما كانت جديدة بس كان الغسيل والمكوة تبقيها جميلة
والناس بتمرق في المساء للميدان وتشوف الزينة والجمال في الطرقات ما كنا نربط الستائر وﻻ بنعايد في الديوان نعايد في الضراء وتحت الشجرة
جانا العيد وكنا زمان بنمرق كتلة وشلليات ما كنا بنمشي واحد وﻻ اتنين كنا لما تﻻقينا تفتر ايدك من السﻻم نلف للضريات هناك نفطر وهنا نشيل لقمة ونفوت ماكنا بنعلن ناس فﻻن نحنا جاينكم باكر ﻻاعداد وﻻ تجهيز نسلم للجميع
جانا العيد لكن هسي
الخروف اساسي وتغير الستائر وشكل البيت
نسلم اﻻء للمعروف علينا نخش بيت وننط بيتين
هسي الفرحة ما فرحة العيد الفرحة فرحة عندنا وعندنا وجيبنا وجيبنا والما جاب نشوفو زليل وﻻ نخشاهو وﻻ بنرد سﻻمو ﻻزم لبسة او لبسات
وجانا العيد وواحدين بيبحثو عن اﻻمان وفطورهم جوه في الكركور عصيدة بلوبا وحدين ليها ما ﻻقين
جانا العيد وفينا العاري الماشي اﻻء بالسروال وواحد حافي القدمين وتالت ما ﻻمي في التتين
تبدل حال العيد وطعمو وبقين ﻻشايفنو وﻻحاسنو
بقينا عادي بدون عيد نكون فرحانين اﻻء في العيد تكون الفرحة مفقودة
وبرضو نقول
كل عام وانتم بخير

هذه المقالة كُتبت في التصنيف أقلام حرة. أضف الرابط الدائم إلى المفضلة.

التعليقات مغلقة.