دعماً لثورة الشباب السُوداني…ماتتراجع..فيديو

دعماً لثورة الشباب السُوداني…ماتتراجع..فيديو

ماتتراجع

ما تتردد ماتتراجع لوحبيت تتراجع
يبقى الدم السايل سااب الدين في رقبتك.
السمسار بجيك في بيتكم وبكره يبيعك
…. زي ما دلل وباع شفع مدرستك
زى ماباع انسانك وارضك وقوتك
وحتى مشاتل ورد الريد الشاتلوبحب هندستك
لو تتراجع بكرة يفوتك شرف العزة وكلو يهينك تانى وتالت
ويحرق ليك أحلام أولادك
يبيدم واحد واحد* ويسرق حقك* يزيد فى مغصتك

ما تتردد ماتتراجع لوحبيت تتراجع
يبقى الدم السايل سااب الدين في رقبتك
ما كنا فى يوم أبدا
شيمتنا صفوف تخريب نحنا صحيح صاينين أملاكنا
وحق الغير الجابو الكادح بى عرقو
… …….آمن و داير في افلاكنا
ديمه مسالم صوتنا وما بنتهور …
ومن الظالم والغدار بنرجو فكاكنا
نحنا الحق ونور الحق ربونا عليهو
وحق الغير مضمون من ضمن انساكنا

ما تتردد ماتتراجع لوحبيت تتراجع
يبقى الدم السايل سااب الدين في رقبتك
ما مرقتنا رغيفة ولابنزين
نحنا مرقنا ندافع وندفع قيمتك دمنا من ثورتنا
يضبحوا يرصصو فينا أبدا مانتوجع
ولمن جات الطعنة الغادره طعنتنا في عز عزتنا
شتات يملانا ونارو بتحرق حرقتنا
وكم متراس خايب عندك قاطع سكتنا
لا تعليم لا دواء لاأمنٍ ولا فرحة
رصيد السادة يمصو دمانا ويسرقوا من نسبتنا.

ما تتردد ماتتراجع لوحبيت تتراجع
يبقى الدم السايل سااب الدين في رقبتك.
جاتنا ميليشيا تهتك وتفتك راضعة خيانة..
دينا كوارث امن مخرب مرض وجحافل
لا قطعّنا طريق لى زول لا فى مره سلبنا مواطن
لا روعنا بيوت فى حينا دامت آمنه ولا اتعدينا فى يوم ونهبنا قوافل
جيناكم نحنا سلام قدمنا الشهداء …ما جينا قنابل
ولا فى يوم طلت عزتنا من رحم فساد ومزابل

الكاب الكاذب حاول يهدّم سورأحلامنا ويدمردين البلد الكلوعنادل

كلمات أبوقاسم على ….
ألحان وأداء ملهم كردفان

http://www.youtube.com/watch?v=W3_F8ZOgV2w

هذه المقالة كُتبت في التصنيف أخبار, شعر. أضف الرابط الدائم إلى المفضلة.

التعليقات مغلقة.