محمد الحسن ابنعوف فى قصيدة عن مساومة جهاز الأمن : داير كم ؟

ﺩﺍﻳﺮ ﻛﻢ

 [66]

محمد الحسن ابنعوف
ﺩﺍﻳﺮ ﻛﻢ
ﻣﻦ ﺍﻻﺧﺮ ﻛﺪﻩ ﺟﺎﻫﺰﻳﻦ
ﻧﺪﻓﻊ ﻟﻴﻚ ﻋﺸﺎﻥ ﺗﻨﻄﻢ …
ﻗﻮﻝ ﺩﺍﻳﺮ ﻛﻢ
ﻟﺴﺎﺗﻚ ﺷﺎﺏ
ﻭﺍﻟﻔﻘﺮ ﻋﺬﺍﺏ
ﻓﻰ ﺍﻟﺒﻨﻚ ﺍﻟﺨﺰﻧﻪ ﻭﻓﻰ ﺍﻟﺪﻭﻻﺏ …
ﻗﻮﻝ ﻣﺎ ﺗﻬﺘﻢ …
ﻗﻮﻝ ﺩﺍﻳﺮ ﻛﻢ …
ﻋﺮﺑﻴﻪ ﻭﺑﻴﺖ؟
ﺑﺖ ﻧﺎﺱ ﻧﺪﻳﻚ
ﻣﺸﺮﻭﻉ ﻳﻐﻨﻴﻚ ﻋﻦ ﺷﻴﻠﺔ ﺍﻟﻬﻢ …
ﺍﺗﻜﻠﻢ ﻗﻮﻝ
ﻗﻮﻝ ﺩﺍﻳﺮ ﻛﻢ …
ﻗﻮﻝ ﺩﺍﻳﺮ ﻛﻢ
ﻣﺎﻟﻚ ﺑﺎﻟﻄﻴﺮ
ﻭﺣﻘﻮﻕ ﺍﻟﻐﻴﺮ
ﺍﺳﻤﻌﻨﺎ ﺍﺧﻴﺮ
ﻗﺒﺎﻟﻚ ﻛﻢ ﻣﻦ ﺳﻴﻒ ﺑﺘﺎﺭ
ﺳﻴﻨﺎﻟﻮ ﺟﻔﻴﺮ …
ﺩﻳﻞ ﺷﻌﺐ ﻭﻫﻢ …
ﻗﻮﻝ ﺩﺍﻳﺮ ﻛﻢ
ﻣﻨﺼﺐ ﻧﺪﻳﻚ
ﻭﺍﻟﺪﻧﻴﺎ ﺗﺠﻴﻚ
ﻻ ﺗﻨﺒﺢ ﺳﺎﻯ ﺯﻯ ﻧﺒﺤﻰ ﺍﻟﺪﻳﻚ
ﻭﺣﻨﺤﻠﻒ ﻟﻴﻚ ﺑﺎﻟﺴﺘﺮﻩ
ﻗﺴﻢ …
ﻗﻮﻝ ﺩﺍﻳﺮ كم…
ﺩاﻳﺮ ﻛﻢ؟
ﺍﻧﺎ ﺩﻳﺮ ﻛﻢ …
ﺍﻟﺪﺍﻳﺮﻭ ﻛﺘﻴﻴﻴﻴﻴﺮ
ﻋﻠﺸﺎﻥ ﺍﻧﻄﻢ …

*****

ﻳﺎ ﺍﻭﻻﺩ ﺍﻟﺪﺭﻫﻢ ﻭﺍﻟﺪﻳﻨﺎﺭ …
ﺍﻧﺎ ﻣﺎ ﻭﺩ ﺭﺷﻮﺓ
ما ﻭﺩ ﺷﻴﻨﻪ
ولا ﻣﺎ ﻭﺩ ﻋﺎﺭ …
ﺍﻧﺎ
ﻭﺩ ﺍﻟﺪﻧﻘﺮ ﻭﺍﻟﺪﻟﻮﻛﻪ
ﻭﺩ ﺍﻟﻨﻮﺑﻪ ﻭﻭﺩ ﺍﻟﻄﺎﺭ ..
ﺍﻧﺎ ﻭﺩ ﺍﻟﺒﺮﺯﻡ ﻓﻰ ﺍﻟﻀﺤﻮﻳﻪ
ﻭﺳﺎﻋﺔ ﺍﻟﻌﺮﻛﺔ ﻣﺨﻠﻒ ﻭﺣﺎﺍﺍﺍﺍﺭ …
انا ﻭﺩ ﺍﻟﺴﻴﻒ
ﺍﻟﻬﺒﺮﻭ ﺷﻠﻴﻪ
ﻭﺩ ﺍﻟﺴﻮﻁ
ﺍﻟﺒﻘﻠﻰ ﻗﻠﻴﻪ
ﻭﺩ ﺍﻟﺒﻜﻠﺢ ﻓﻰ ﺍﻟﻀﻬﺎﺭ …
ﻭﺩ ﺍﻟﻌﺰ ﺍﻟﻤﺎ ﺳﻤﻌﺘﻮﺑﻮ
ﻭﺩ ﺍﻟﺸﻌﺐ
ﺍﻟﺒﻘﺪﺡ ﻧﺎﺭ …

*****

ﺍﻧﺎ ﺩﺍﻳﺮ ﻛﻢ؟
ﺍﻧﺎ ﺩﺍﻳﺮ ﺷﻌﺐ
ﻳﺜﻮﺭ ﻭﻳﺼﺎﺭﻉ
ﺍﻧﺎ ﺩﺍﻳﺮ ﺍﻣﻪ
ﺗﻌﺒﻰ ﺍﻟﺸﺎﺭﻉ
ﻋاﺸﺎﻥ ﺍﻟﻔﻀﻞ
ﻣﺎ ﻳﻨﻬﺎﺭ …
ﺍﻧﺎ ﺩﺍﻳﺮ
ﻣﺎﻝ ﺍﻟﺸﺎﺭﻉ ﺍﻟﻐﺮﺑﻰ
ﻭﻧﺎﺱ ﺧﻂ ﻫﻴﺜﺮﻭ
ﻭﻣﺸﺮﻭﻉ ﺳﻨﺪﺱ
ﻭﺍﺏ ﻛﺮﺷﻮﻻ
ﺍﻟﺮﺍﺣﺖ ﺳﻨﺒﻠﻪ
ﺑﻴﻦ ﺍﻟﻘﺎﺋﺪ ﻭﺍﻟﺘﺠﺎﺭ ….
ﺍﻧﺎ ﺩﺍﻳﺮ ﺗﺎﺭ
ﺗﺎﺭ ﺍﻟﻤﺎﺗﻦ ﻓﻰ ﺍﻟﻤﺴﺘﺸﻔﻰ
ﻋﺸﺎﻥ ﺍﻟﻘﺴﻄﺮﻩ
ﻣﺎ ﻣﺠﺎﻥ …
ﺗﺎﺭ ﺍﻟﻬﺎﺟﺮ
ﻗﻔﻰ ﻋﻘﺎﺑﻮ
ﻋﺸﺎﻥ ﻻ ﻭﺍﺳﻄﻪ ﻭﻻ ﺳﻠﻄﺎﻥ …
ﺗﺎﺭ ﺍﻟﺨﻼ ﺍﻟﻤﺪﺭﺳﻪ
ﺷﺎﺍﺍﺍﺍﺍﻃﺮ
ﺷﺎﻥ ﻣﺎ ﻳﺮﺑﻰ
ﺗﻤﺎﻧﻴﻪ ﺍﺧﻮﺍﻥ …
ﺗﺎﺭ ﺍﻟﻨﺨﻞ
ﺍﻟﻘﻠﺪ ﺍﻟﻤﻮﻳﻪ
ﻋﺸﺎﻥ ﻭﻃﺎﺗﻮ ﺗﻜﻮﻥ ﺧﺰﺍﻥ
ﻭﺍﻟﺨﺰﺍﻥ
ﺑﻘﻰ ﻣﺎ ﺧﺰﺍﻥ …
ﺗﺎﺭ ﺍﻡ ﺩﻭﻡ
ﻭﺣﻼﻳﺐ
ﺗﺎﺭﻯ
ﺍﻡ ﺭﻭﺍﺑﻪ ﻭﺗﺎﺭ ﻗﻴﺴﺎﻥ …
ﺗﺎﺭ ﺍﻟﺸﻬﺪﺍ
ﺍﻟﺪﻡ ﺍﻟﻄﺎﻫﺮ
ﺩﻡ ﺍﻟﻘﺴﻤﻚ
ﻳﺎ ﺳﻮﺩﺍﻥ …
ﺗﺎﺭ ﺍﻟﺼﻤﻎ ﺍﻟﻌﺮﺑﻰ ﺍﻟﺜﺮﻭﻩ
ﺗﺎﺭ ﺍﻟﺴﻜﺮ ﻭﺍﻻﻗﻄﺎﻥ …
ﺗﺎﺭ ﺍﻟﺘﺮﻋﻪ
ﻭﺗﺎﺭ ﺍﻟﺠﺪﻭﻝ
ﺗﺎﺭ ﺍﻟﺼﺤﺮﺍ
ﻭﺗﺎﺭ ﺍﻟﻐﺎﺑﻪ
ﺗﺎﺭ ﺍﻟﻤﺸﻨﻘﻪ ﻭﺍﻟﻤﻴﺪﺍﻥ …
ﺗﺎﺭ ﺍﻟﺒﻠﺪ ﺍﻟﻜﻠﻮ ﺣﺮﺍﺑﻪ
ﻭﻛﻞ ﻭﺍﻃﺎﺗﻮ
ﺗﺒﻖ ﻧﻴﺮﺍﻥ …
ﺗﺎﺭ ﺍﻟﺠﺎﻣﻊ
ﻭﺗﺎﺭ ﺍﻟﺨﻠﻮﻩ
ﺗﺎﺭ ﺍﻟﺸﻔﻊ
ﻭﺍﻟﻨﺴﻮﺍﻥ …
ﺗﺎﺭ ﻟﻤﺘﻨﺎ ﻋﻠﻰ ﺍﻟﺼﻴﻨﻴﻪ
ﻭﺗﺎﺭ ﺍﻟﻤﻀﻴﻔﻪ
ﻭﺍﻟﺪﻳﻮﺍﻥ …
ﺩﺍﻳﺮ ﻛﻢ
ﺩﻳﻞ ﺑﻰ ﻛﻢ …
ﻗﻮﻝ ﻳﺎ ﻭﺩ ﺧﻴﺮﻯ
ﺍﺗﻜﻠﻢ ﻗول
ﺍﻧﺎ ﺩﺍﻳﺮ ﻛﻢ …
ﺍﻧﺎ ﺩﺍﻳﺮ ﻋﺰ
ﻟﻰ ﻭﻃﻦ ﺍﻟﻌﺰ
ﻣﻤﻬﻮﺭ ﺑﺎﻟﺪﻡ …
ﻭﻋﺪﺍﻟﻪ
ﺗﺨﻮﺟﻞ ﺑﻴﻦ ﺍﻟﻨﺎﺱ
ﺣﻔﻴﺮﻩ
ﻭﺩﻭﻧﻜﻰ
ﻭﻣﻨﺒﺮ ﻧﻢ …
ﺍﻧﺎ ﺩﺍﻳﺮ ﻛم
ﺍﻧﺎ ﺩﺍﻳﺮ
ﻣﺪﺭﺳﻪ ﻟﻼﻃﻔﺎﻝ
ﻭﻣﺼﺎﻧﻊ
ﺗﻨﺒﺢ ﻟﻠﻌﻤﺎﻝ
ﺗﻴﺮﺍﺏ ﻭﺗﺮﻛﺘﺮ
ﻟﻠﺘﺮﺑﺎﻝ
ﺍﻧﺎ ﺩﺍﻳﺮ ﺟﻴﺶ ﺟﺒﺎﺍﺍﺍﺍﺭ ﻭﺍﺻﻢ …
ﺍﻧﺎ ﺩﺍﻳﺮ ﻣﺠﻠﺲ ﻟﻠﻨﻮﺍﺏ
ﻣﺠﻠﺲ ﺣﺎﺳﺎﺏ
ﻭﻭﺯﻳﺮ ﺑﻔﻬﻢ …
ﺍﻧﺎ ﺩﺍﻳﺮ ﻣﺴﻜﻦ ﻟﻠﻄﻼﺏ
ﺍﻧﺎ ﺩﺍﻳﺮ ﻗﺎﻋﻪ
ﻭﺩﻓﺘﺮ
ﻭﻻﺏ …
ﺷﻮﻭﻭﻑ ﺩﻳﻞ ﺑﻰ ﻛﻢ
ﺣﻨﺠﻴﺐ ﻗﺎﻧﻮﻥ
ﺍﺣﻜﻢ ﺑﺎﻟﻌﺪﻝ
ﺍﻟﻌﻴﻦ ﺑﺎﻟﻌﻴﻦ ﻭﺍﻟﺴﻦ ﺑﺎﻟﺴﻦ ﻭﺍﻟﺪﻡ ﺑﺎﻟﺪﻡ
ﻟﻮ ﻻﺯﻡ ﺩﻡ
ﺍﻧﺎ ﺩﺍﻳﺮ ﺩﻡ …
مسدار النصيحة -محمد الحسن ابن عوف

https://www.youtube.com/watch?v=oPxTzHYzHAk

هذه المقالة كُتبت في التصنيف أخبار, أقلام حرة, شعر. أضف الرابط الدائم إلى المفضلة.

التعليقات مغلقة.