من حكم الشيخ فرح ود تكتوك

 

من اقوال الشيخ فرح ود تكتوك
الفطور مسمار القلب
الفطور من زمان اتنسة
و من قائمة الطعام اتمحة
السلع تعززت و طارت السماء
و الفقير للصيام نواء
اللحمة زمان كانت بالكوم
واليوم بقت بس مسكول
وفى الجزارة مجرد ديكور
بقت شئ فقد للتصدير
مخصصة للوزير و الجبهجى الكبير
واللة عجائب و مفرقات
نصدر لحم و نستورد بدرة لبن
يمكن يكون لبن خنزير او حصين
فى علبة علية  صور بقر سمين
دى حكومة الجهجة و البشتنة
ديل الكزان اخوان الشيطان
كنا فاكرنهم كيزان كاربين
و من بحر الدين رويانين
طلعوا ما عندهم دين
وكانو لشر ضامرين
جابوا لينا الفتن و البلاء
و رجعوا البلد سنين لى وراء
نظام عام نظام شيطان
صالح عام لى صالح الشيطان
ماخذين من شريعة الشيطان
لا وجود لهم فى السنة و القران
العصا لى الكلب
كلب زمان كان عندة ادب
و من قولت جر ببتعد
لو شاف العصا تلقة يرتعد
ابتلينا بكلاب من غير ضنب
اسو من كلاب لهب
تنبح و تنجر من غير سبب
العصا صارت ليهم شعار
العصا لزوم  الرقيص و البرطعة
والشنطة ملينا بلاوى متلتلة
السكين من السلب
السكين بقت تحفة فى الدار
و صارت شعار لى الجزار
السلب ارحم من النهب
السلب ما بمس الروح
النهب فية اغتصاب و قتل روح
وفية حريق ديار و كمان نزوح

hussemis@yahoo.com

 

هذه المقالة كُتبت في التصنيف شعر. أضف الرابط الدائم إلى المفضلة.

التعليقات مغلقة.