جرى التفتيحة ما فضيحة

جايى ناطى من غير دعوة
دخل الناس في محنة و ورطة
وسط القاعة قعد و تحكر
عامل لينا فيها عنتر
سمع الخبر ناس لاهاى
جاة الشمار من لاهاى
نسونا فى طريقهنا لى جاى
صاحبنا فى ورطة كيف المرقة
عنتر فى العرق غرقان
قال الافارقة ما ليهم امان
من غير اعتذار ولا استازان
الاسد ترك القاعة هربان
نسى التكبير و كمان التهليل
والى المطار جرى عديل
جارى خايف من مرة
بدون سلام جمهورى هرب
نسى الاتوكيت كيف يلحق البيت
دخل الطيار عرقان يتنهد
 نسوان لاهاى جد ارهبونا
و فى ابوجا زاتا خوفنا
الناس قسوا علنا و نسونا
ساعة القيام لى المطار ما رافوقنا
اصلو الجرى دا ما حقى
لاكن ورثتوا من جدى
قلت احسن انفذ بى جلدى
عملت بى وصية جدى 
جرى التفتيحة يا ناس ما فضيحة
يا اخوانى انا كان جريت
خليكم وراية لى ضهرى حماية
في الافق شاف لية صغر
من  شدة الخوف قلبة طار
نطط عيونة قام جقلب
غلبتة القعدة قام هضرب
افتكرة طيارة من غير طيار
تزكر كل العملة زمان
قالوا لية دا صغر جديان
قالتوا دا صغر وديان
دا صغر الجديان شعار السودان
يمكن يكون صغر امريكان
يمكن يكون معة رادار
الامريكان عاوزين شنو كمان
قوش فكيناة قبل ايام
وصل الخرطوم عاوز لية باليوم
من غيرة ما بجية نوم
انشاءاللة نوم منة ما تقوم
و الروح معة تصل الحلقوم
من شر البلية تحاكمك ولية
هارب من المحكمة الدولية
بدخل المدنيين فى محاكم عسكرية
ناسى انة في محكمة ربانية
العدل فيها محكوم بميزان
مقعدك محجوز مع فرعون و همان

 

هذه المقالة كُتبت في التصنيف أخبار. أضف الرابط الدائم إلى المفضلة.

التعليقات مغلقة.